HONE KO HAI HUSSAIN KI RUKHSAT ABHI ABHI - || Anjuman E Naqviya, Allahabad ||

HONE KO HAI HUSSAIN KI RUKHSAT ABHI ABHI,

TUTEGI EK BEHEN PE QAYAMAT ABHI ABHI.

*******************************************

LAASHE UTHA CHUKE HAI KAMAR HAI JHUKI HUYI,

KAB SE HAI ZULJANA PE NAZAR HAI RUKI HUYI,

AAYI HAI YAAD SHERON KI NUSRAT ABHI ABHI.

*******************************************

AISA NA HO KI KHAIME SE KHWAHAR NIKAL PADE,

BABA K PICHE PICHE SAKEENA NA CHAL PADE,

FURQAT ME DOOB JAEGI CHAHAT ABHI ABHI.

*******************************************

FARMAYA SHEH NE AAKHIRI ZAINAB SALAAM LO,

HAI WAQT MERE QATL KA HIMMAT SE KAAM LO, 

AMMA KAREGI BAINE SHAHADAT ABHI ABHI.

*******************************************

BADHTI NAHI JO RUN KO SAWARI HUSSAIN KI,

LIPTI HUYI HAI QADMO SE PYARI HUSSAIN KI,

KAISE PADHE YATEEMI KI ADATI ABHI ABHI.

*******************************************

BOLE HUSSAIN BETI SE LILLAH SABR KAR,

TANHA LAHAD ME SOTA HAI BHAYYA TERA IDHAR,

BABA NE KHUD BANAYI HAI TURBAT ABHI ABHI.

*******************************************

WO ZULJANAH SHAH KA KHAIME PE AA GAYA,

BAGHE KATI HAI KHOON HAI BADAN PAR BHARA HUA,

MAQTAL ME HO GAYI HAI QAYAMAT ABHI ABHI .

*******************************************

JISKO RULA RULA KE KIYA ZIBHA WO HUSAIN,

KI JE USI HUSAIN PE ZAHRA KI MISLE BAIN,

CHHA JAEGI FIZAON ME RIKKAT ABHI ABHI.

*******************************************

QAYAM  GHAME HUSSAIN KI AZMAT KA MOJIZA,

ANKHO ME ANSUON KI TAHARAT KA MOJIZA,

KUCH AUR BADH GAYI HAI BASEERAT ABHI ABHI

*******************************************

 website: https://www.anjumanenaqvia.org