Wafa Jiska Padhe Kalma - Manqabat

Wafa Jiska Padhe Kalma Use Abbas (A.s.) Kehte Hai

Jise Sajde Kare Sajdah Use Abbas (A.s.) Kehte Hai

 

Woh Pyasa Pyas Ne Jiski Kiya Sehrab Daria Ko

Hai Jiski Pyas Bhi Darya Use Abbas (A.s.) Kehte Hai

 

Jo Hai Shabbir (a.s.) Ki Quwat Ali (A.s.) Ko Naaz Hai Jis Par

Jise Zehra (S.a.) Kahe Beta Use Abbas (A.s.) Kehte Hai
 

Laga De Jo Baghair Tegh Hi Ambaar Lashon Ke

Jo Hai Paikar Shuja'at Ka Use Abbas (A.s.) Kehte Hai

Jo Patthar Par Alam Gade Use Kehte Hai Sub Haider (A.s.)

Alam Gade Jo Pani Pe Use Abbas (A.s.) Kehte Hai

Ali (A.s.) Ka Khoon, Zehra (S.a.) Ki Dua Hasnain (A.s.) Ki Chahat

Bane In Sub Se Jo Milkar Use Abbas (A.s.) Kehte Hai

 

Jo Hukme Shah (A.s.) Pe Roke Rahe Talwar Ko Apni

Jo Tanha Bhi Rahe Lashkar Use Abbas (A.s.) Kehte Hai

Uthe Tufan Chale Aandhi Zameen Ghardish Kare Phir Bhi

Rahe Uncha Alam Jiska Use Abbas (As.) Kehte Hai

Jo Tha Shabbir (A.s.) Ka Khadim Magar Sab Sahabane Dil

Use Aaka, Use Maula, Use Abbas (A.s.) Kehte Hai.