Sehera Maula Abbas ki shadi (lyrics)

ay wafa leke hawa gulshane firdaus se chal,
ai nazar maldue shab deeda ke chungal se niikal,
ai khiradh manzile taqdeeso taharat hai sambhal,
ai yaqee teri aqidat ka milega tujhe phal,
fikre nau arsh talak karke safar aayi hai,
mola abbas ki shadi ki khabar aayi hai 2.
*****************************************

1)wo mohabbat thi wo chahat thi wo ulfat thi wo pyaar,
ye fida bhaiyo pe bhai bhi sab inpe nisaar,
ali izhare khuda hai ye ali ka izhar,
apni behno ke liye bangaye kalme ka hisaar,
chaaha behno ne gharme ye ujaala dekhe,
sher se bhai ki peshani pe sehra dekhe 2.
*****************************************

2)ye jabi wo hai ke bandhne ko hai jispar sehra,
chuke peshani ko hoga wo munawwar sehra,
jisse kehlaaega suraj ke barabar sehra,
gharme haider ke hai anwaar ka mazhar sehra,
shehre yasrab me jo aasaar nazar aate hai,
aaj yusuf bhi khareedar nazar aate hai 2.
*****************************************

3)sar pe abbas ke shabbar ne amama bandha,
ye amama hi tha gazi ke liye taje wafa,
doshe abbas pe shabbir ne tab dali aba,
ye aba wo thi ke jo bangayi behno ki rida,
kyu na wo naaz kare jisko sajaye shabbir,
ai khusha wo ke jise dulha banaye shabbir 2
*****************************************

4)banke jannat ke gulabo se jo aaya sehra,
aur hasee madare gazi ne banaya sehra,
shohare hazrate zainab ne uthaya sehra,
farke abbas pe shabbar ne sajaya sehra,
chaand ne ghazi ke sehre ki balaae leli,
badhke suraj ne chamakne ki adaae leli 2.
*****************************************

5)sehra ghazi ke bandha arsh talak baat chali,
gul sawere ka hua sue adam rat cha,li
ek ek hoor liye hatho me saugaat chali,
sher baarati bane sher ki baraat chali,
nur sadqe ke liye arsh ne bhijwaya hai,
sajda karne ke liye burje asad aaya hai 2
*****************************************

6)zapto isaar ke suro ne sajaya sehra,
ayate banke wafa ne bhi sunaya sehra,
lauhe mahfuz se likhha hua aaya sehra,
leke dawud se quran ne gaya sehra,
jaake jibreel ne har samt zakate baati,
malakul maut ne us roz hayaate baati 2.
*****************************************

7)tum samajhte ho ke majid ne kaha hai sehra,
mujhko jibreel ke hatho se mila hai sehra,
lauha par daste ilaahi ne likha hai sehra,
lehne dawood jo paaya hai to padha hai sehra,
wo jaza payi na ab dar kisi waswaas ka hai,
shadma sehra bhi to hazrate abbas ka hai 2
*****************************************