Abbas (as) Kate Hathon Ka Aijaz Dikhado - Lyrics

Abbas Kate Haathon Ka Aijaz Dikha Do

Din Mere Palat Do Meri Taqdeer Banaa Do

 

Mai Bekas O Majboor Hoon Naachar Hoon Aaqa,

Muflis Hoon Tah E Dasht Hoon Naadar Ho Aaqa,

Alaam O Masaeeb Me Giraftaar Hoon Aaqa,

Is Waste Nusrat Ka Talab Gaar Hoon Aaqa

--------------------------------------------------------------------

 

Mushkil Me Ghareeb’on Ke Madadgaar Tumhi Ho,

Har Bekaso Be Yaar Ke Ghamkhwar Tumhi Ho,

Farzaand E Yadullah Ho Muqtaar Tumhi Ho,

Fauj E Shah E Bekas Ke Alamdar Tumhi Ho.

--------------------------------------------------------------------

 

Allah Ne Baksha Hai Tumhe Rutba E Aali,

Mohtaaj Ke Data Ho To Bekas Ke Ho Waali,

Tum Babul Hawaej Ho Zamana Hai Sawaali

Mai Bhi Hoon Gadaa Aur Mera Daaman Bhi Hai Khaali.

--------------------------------------------------------------------

 

Aye Nasir E Deen Sarwar E Mazloom Ka Sadqa,

Aye Haami E Deen Zainab O Kulsoom Ka Sadqa,

Besheer Ke Sukhe Huwe Hulkhoom Ka Sadqa,

Sajjad Ka Aur Baqer E Masoom Ka Sadqa.

--------------------------------------------------------------------

 

Har Simt Se Mujh Per Hai Musibat Ki Chadhaai,

Apne Gham O Alaam Hai Khushiyaan Hai Parayi,

Har Raahat E Duniya Ne Nazar Mujhse Phiraayi,

Dil Deta Hai Ro Ro Ke Sakina Ki Duhaii..

--------------------------------------------------------------------

 

Agha Shah E Mazloom Ki Tauqeer Ki Sadqa,

Bechaargi E Zainab Dilgeer Ka Sadqa,

Darbaar Mei Goonji Huwi Taqreer Ka Sadqa,

Beemar Se Lipti Huwi Zanjeer Ka Sadqa.

--------------------------------------------------------------------

 

Zindaan Mein Tadpti Hui Bacchi Ka Tasadduq,

Binte Shahe Bekas Ki Yatimi Ka Tasadduq,

Tum Jiske Ho Saqqa Usi Pyasi Ka Tasadduq,

Ho Mujhpe Karam Ab Toh Bhatiji Ka Tasadduq.

--------------------------------------------------------------------

 

Saqqaye Haram Shame Ghariban Ka Tasadduq,

Bae Gouro Kafan Shahe Shahidaan Ka Tasadduq,

Namoos Ke Gesuye Parishaan Ka Tasadduq,

Saidaniyon Ke Chehraye Uriyaan Ka Tasadduq.

--------------------------------------------------------------------

 

Aaqa Ye Kaneez Apna Kise Haal Sunaye,

Kaun Aisa Hai Toota Huwa Dil Jisko Dikhaaye,

Apne Bhi Nazar Aane Lage Ab To Paraye,

Hai Kaun Tumhare Siwa Bigdi Jo Banaye

--------------------------------------------------------------------

 

Abbas Kate Haathon Ka Ejaz Dikha Do

Din Mere Palath Do Meri Taqdeer Banaa Do

--------------------------------------------------------------------

--------------------------------------------------------------------